warda*wardati
مشرفة
عدد المساهمات : 282
تاريخ التسجيل : 30/03/2012
العمر : 31
 |  موضوع: نكيتات.......  الجمعة مارس 30, 2012 5:04 pm | |
|
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية
راجل معروف فالدرب ديالو انو مسوم ومكيحمل الخير لناس واحد نهار تحرقات دار فالدرب ومشى هو وخرج مولاها من الدلر المحروقة تعجبو الناس وسولوه علاش دار هاكة وهو معروف بالسم، قاليهم اول حاجة باش ميموتش شهيد تاني حاجة باش يعيش مشوه طول حياتو
هادا واحد الراجل هو مرتو كالسين كايتفرجو فمسلسل ميكسيكي بالدارجة المغربية، أو فواحد اللحضة من رومانسية الراجل بلا ماحس كال المارتو قلبي، جاوباتو مارتو نعام ياروحي هو يقوليها قلبي الجزيرة لنقلب والديك مع الأرض.
واحد المبوق حكموا عليه بالإعدام قالوا ليه : أشنو آخر حاجة كتمناها ؟ قال ليهم : كنتمنى هاد الشي يكون ليا درس ف المستقبل
هادا واحد الأستاذ ديال التربية الإسلاميــة ، واحد نهار ماعندو غرض يقرّي التلاميــذ و قال ليهوم : فتحو لكتاب و قراو بشوية ف الصفحة 56 و هــــو جلس و ضربها بنعسة فلبيرو ديالو ، شوية دخل المفتش و جا وقف عند راس ديال الاستاذ ، ملي حاس بشي حاجة قدّامو فاق لقا المفتّش و هو يقول للتلاميذ : و هكذا يا أعزائي كان ينام أهـــل الكهف
واحد قال لأمه أنا خارج ماتحتاجي والو ا؟
قالتله: ربي يحفظك ويبعد عليك بنات الحرام
قالها : صافي آ لواليدة مابقيتش خارج
واحد الرجل سوّل مرتو: شحال من عام باش تزوّجنا؟
جاوباتو: 25 عام
كال ليها: كون قتلتك كون دابا خرجت من الحبس.
هذا واحد المكلخ مشى لسبيتار باش يدير سكانير لقا واحد خاينة و هو يسولو فين جا السكانير
قال ليه تلع فلسنسور
المكلخ طلع فالسنسور و بدا كيحيد فحويجو و ملي تحل باب ديال السنسور شافتو واحد الفرملية عريان و هي تخلعت وبدات تغوت قال ليها أويلي فيا الكونسيرررر ؟؟؟؟
| |
|
oumayma
عضوة جديدة
عدد المساهمات : 9
تاريخ التسجيل : 08/04/2012
| | موضوع: رد: نكيتات....... الإثنين أبريل 09, 2012 2:56 am | |
| نكت مرا روعة خصوصا انها بالدارجة المغربية
تبارك الله عليك ازين | |
|
ranjaa
مراقبة عامة
عدد المساهمات : 278
تاريخ التسجيل : 09/04/2012
| | موضوع: رد: نكيتات....... الإثنين أبريل 09, 2012 9:36 am | |
| واو موضوع في قمة الأناقة مشكورة
hhhhhhhhhhhhhhhhhhhhhhh | |
|
