منتديات القفطان المغربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 بنت حي شعبي

اذهب الى الأسفل 
كاتب الموضوعرسالة
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: بنت حي شعبي   بنت حي شعبي I_icon_minitimeالأربعاء أبريل 20, 2016 5:59 pm

مساء الخير .... قصة رومانسية كوميدية قصيرة تتكون من 20 جزء ...[i]


البارت 1:
فاطمة تحكي وتقول:
ضربات 6 دالعشية فقت على صوت الواليدة كتغوت من السطح"نوضي يا المعكازة لالياتك دارو اش منك يا مخمار واش منك يا مسمن ونتي مازال مجبدة نوضي سيري عند العربي الشفناج جيبي شي شفنج قبل لايدخل داك المسعور تاع خوك يقلب الدار تاني حيت الماكلة ماواجداش. 
أنا:وصافي امي هانا نايضة بلا غوات راه رجلي كضرني من الزلقة تاع البارح.
لحاجة رقية:بالسيف ماتقدري تنوضي وانتي الليل كامل عند بنت حليمة جارتنا تعاونيها فالتخمال للخطبة وحتاا دجاجة صاينة معطاتها ليك...قااالوها شي يعرس وشي يتهرس الحاصول هزي ديك 5 دراهم اللي فوق التلفازة وسيري بالخف باش ترجعي.
انا:واخا امي هاني مشيت...
(لويت واحد الزيف كاشف بالشمس ولابسة واحد البيجامة من أيامات التسعينات وباتلي واحد صندالة كبيرة فوق 40 تاع خويا ههه كنجرها ومرة مرة كطير ليا ليا من رجلي ونعاود لبسها ههه)
خرجت ..عيني منفوخين بكثرة النعاس وبزز باش كنحلهم فالشمس...
ايوا وصلت عند عند عمي العربي الشفناج...كنت مزال كنحك فعيني...
عمي العربي: زارتنا البركة أمراااات ولدي
انا:عمي الحاج يهديك الله 
عمي العربي:إيوا ايلا معمرش ليك ولدي عينيك كاين انا (كيضحك بصوت عالي ومتقطع)
انا فحوار داخلي:"هاذ الشارف عاد ماكيكبر عاد ماكيزيد فيه ولايني الدرب بلا بيه ماكيسوا واااالو واخا ضحكو باسل شوية"
انا:لالا الحاج ولدك مازال النواور فيك..أما أنت مابقا في ما يتقاد ...
(بديت كنضحك واحد الضحكة شيطانية حيت عرفت اش قلت وبغيت لطف الجو)
انا:إيوا زيد 2 شفنجات لمرت ولدك ولا متستاهلش!!
عمي العربي: هي الي ماتعاود.
وانا بيني وبينكوم كنقول فراسي (والله لكنت لداك المسوفج تاع ولدك).

التتمة في التعاليق
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:01 pm

البارت2:
ملي خديت السفنج من عند عمي العربي درت وانا نتصاطح بجهد مع واحد الكتلة تاع اللحم من العيار الثقيل حتى طاحت ميكة الشغنج فجيه وصندالة من رجلي فجيه وتزلعت انا فجيه...كنت معولة نوض نحيح، فالدرب كيسميوني عويفية حيت ماكنسكتش على حقي،هزيت راسي وياليتني ما هزيت كاع ديك الهدرة لي موجدة نقول ونخرجها مرة وحدة فوجهو تنسات عليا...وهياناري هذا واقيلة شي ممثل من هادوك تاع التلفزة ولا منعرف! معليناش انا سهيت فيه وحليت فومي كان لابس واحد السيرفيت سبور تيف مع واحد الارماكس داكشي هاي كلاص وكان داير شي نضاضر قلت هذا صافي كيشوف فيا مور دوك النضاضر الكحلين... جمعت الوقفة وهزيت الميكة وبديت كنتعيييوج وكنتبوزا حتى نسيت راسي ونسيت بلي حالتي حالة ولبسي تاع عصر الكهوف بديت كنقاد ونقض فحوايجي ولكن هايهات البيجامة باقي فيها المرقة تاع البارح حالتي ميؤوس منها حدرت راسي وخرجت ملي شفت السيد ماتسوقش ليا... طريق كاملة وانا كنجر فديك الصندالة وكنبركم ..ندمت على الساعة اللي فكرت نخرج فيها هاكة.
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:01 pm

البارت 3:
وصلت عند الواليدة لقيتها محيحة مخرجة راسها من الشرجم وكتشير بيديها فالسما عرفت القضية حامضة وبديت كنزرب باش نوصل خلاص...
انا: وااااامي اش كاين تاني؟
لحاجة رقية: نتي فين هاد التعطيلة وانت تقيلة فكولشي شفتي الراجل اللي يديك يردك من سبعيام اللولة ،ايوا طلعي الله يرضي عليك نقي الزنجلان معايا راه رمضان مابقا ليه والو...
انا:واخا أمي نعمر أتاي ونحط الطبلة لخوتي ونطلع عندك.
(مشيت لبيت لفوق نحيد داك الزيف اللي كنت دايرة ليه واحد الشدة تاع جدة الله يرحمها...سهيت وأنا كنشوف راسي فالمراية كنبان عندي 50 عام بهاد الحوايج واخا انا غير بنت 19 عام نسيت راسي ومبقيتش كنديها فيه،واخا حنا من عائلة ما فحالهومش ولاكين مامخصوصة من والو خويا مهلي فيا انا وامي وخويا الصغير مور موت الاب ديالي فحادثة عمل وبحكم هو المسؤول علينا كان صارم معايا بزاف)
مور ماشديت العطلة وساليت الامتحانات تاع لافاك مبقيتش كنخرج وديما وليت كنسهر مع هاد المشقوف اللي طالب معايا السلاك حتى من تحت عيني ولا غادي للكحولية واخا عويناتي زويونين وعسليين ولكن كينابو ذابلين....لوني برونز وطويلة،أما واحد لطاي عندي خلااتها أمي يسوط فيا البرد نطيح وكنت كنصبر راسي قدامها وكنقول ليها واش تعرفي أمي فلاموض،هادشي ليبغات لوقت .ولكن الحاجة تاع بصح اللي زوينة فيا شعري كان قوي وطويل (بني مفتوح) الله يعطي الواليدة الصحة كل نهار شاداني كطلي ليا شي عشوب ونهار اللي كان خاصني نتباها بيه قدام مول السرفيت كنت دايرة شي تخليطة تشمها من راس الدرب هادا علاش قلت ليكوم حالتي ميئوس منها ههه.
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:02 pm

البارت4:
ما فيقني من هادشي كامل غير صوت داك المسعور تاع خويا...دخل شاعل غير كيتعصب فالخدمة...خاصني مانهدرش ومانتحركش قدامو فمرة...
يوسف:وافين كاسكروط وديك اللفعة تهبطي والا نطلع راه المقراج طار عقلو...
نضت بالخلعة كنجري تكربعت من الدروج حتى وصلت حداه...
كنسمع الوليدة كتغوت وانا مزال منشورة...كنشوف من خويا زوج...
لحاجة رقية:أداك المسخوط بعد من ختك 
يوسف:وهيا نااري...كاالوها الذيب ديما متهوم واخا يبات ناعس.
تخطاني وانا جمعت الوقفة ودخلت الكوزينة كنزرب...حطيت ليه كاسكروك وطلعت عند الواليدة وبقيت نعاون فيها حتى بدات الشمس كتغيب.
~~~~~~~~~~~~~~~~~~~~~~~~
الغد ليه مشيت عند ديك الصكعة تاع صاحبتي "خولة " دوزنا أنا وياها الاجرام ديما كان كيحصنا خويا كتكون جالسة كتعيش الغرام مع شي بوركابي وانا جاراني معاها حتى كيوقف علينا خويا ...انا كنبول فسروالي من الخلعة وكناكل قتلة ديال الله والحق فطريقها وحتى هي كيديرها من الجنب لاخور ديالو مرة مرة كيجمع معاها بتسرفيقة حتى كطير الدمعة من عينيها طريق كاملة هاكة حتى كيدخلنا للدرب كيوصلها لدارهم ويدوزني للدار ويتحلف عليا منين يرجع كنبقى الليل كامل وأنا مرعودة غير كيجي كندير راسي نعست وحتى هو صافي كيميك، حتى كندير تاني شي زبلة كبر منها،وكيتعاود نفس السيناريو ولا ديك البنت بغات تحشم ولاكين بيناتنا حتى هي كيعجبها تاكول العصا من عند خويا قاتلي انا عارفاه كيغير وضربة الحب مكتألمش ههه حمقة وناوية تحمقني معاها ولكن ما تمشي حتى ديرها منين حطاتو براسها انا بعدا قريت على روحو ألف سلااام...عارفة دقتها صعيبة وموحال ينوض منها ههه علااه غير يدخلو الحب و يتكايس شويا عليا.
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:02 pm

البارت 5:
ديك العشية مشيت نشوفها حيت هادي يوماين ماجات عندي وماشي من عوايدها حيت مؤخرا مع العطلة ولات دايرة عندي شهادة السكنى،مهم مشيت كنجر فرجليا...حتى كنتعرض لصدمة حياتي!
علاش كنشوف هاد الزين غير فاش كتكون حالتي دايرة كيف شي خدامة،دزت من حدا طموبيلتو وهو خارج بالزربة الباب مانتابهش ليا حتى خبط فيا الباب تاع الطوموبيل بجهد وطحت للأرض...
تحنى عندي بعد ماحيد النظاظر اللي كانو مخبيين عوينات زادو على مظهرو الرجولي فتنة من نوع آخر...ماكرهتش نبقى غير نشوف فيه وهو كيهدر...سهييت فيه وهو كيحرك فمو...
هو:كنعتذر ماشفتكش... 
شاف خويا الديكور من القهوة جا طاير وشنق عليه من القميجة...نضت مندفعة ووقفت من بينهوم كنحاول نشرح الموقف...
انا: راه غير ما شافنيش والله!
بسيف باش برد خويا قلت صافي أيساليها معاه ونبقا بايرة حدا أمي...!!!
المهم السيد حاول يبين على الأسف ديالو ويتعامل بكل لباقة وأدب...
هو: سمح ليا وكنطلب السماحة مرة اخرى من خدامتكوم...



البارت 6:
يوسف:جمع راسك أختي هادي 
(انا خرجت عينيا كنشوف فيه،حسيت بالسيد تقرص وهو يحل الصدفة لفوق تاع القميجة صراحة ماعرف باش تبلا وحتى أنا بالفقصة هزيت صباطي وشيرت عليه،تمنيت كون خليت خويا يدير فيه شغل و باش يوريه يقول على بنت الدار الكبيرة "خدامة" ههه)
هو يجمع معايا خويا بواحد التصرفيقة شفت النجوم بالنهار مارضيتش قدام صحابو اللي جاو مرة وحدة دايرين بينا ملي سمعو الغوات..بغيت نمشي وهو يجرني خويا من قب تاع الجلابة يوسف:انتي فين غادة غير حاتية على جلابتك ودوري بزناقي.
انا: فين عندي لاين نمشي انا غير عند خولة 
يوسف:واخا سيري ومتعطليش 
دزت من حداه ودربت فكتفو وانا منفخة زعمة !
وانا غادة سمعتو كيقول لداك خونا:" أودي الغلط كيوقع واخا على شويا كنت أنخلي دار بوك راه ختي عزيزة أجي نعرض عليك لكافي"
(تماتزاد ليا الكراد...بديت غادة فالطريق كنعل راسي على هاد الحظ اللي عندي كانت اتكون اجمل بداية لقصة حب ولكن دوماج خويا خارج فعودي واخا تصرف معايا برجولة نهار مابغاش يعطيني لولد السفناج عرفت شحال عزيزة عليه ومبغاش غير يتهنا مني...ولايني هاذ المسرول مكيسواش خلاها حتى لتالي وعورها)
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:03 pm

البارت 7:وصلت عند باب دار خالتي مامات خولة يلاه جيت ندق هيا تبان ليا خولة حاتية على صباطها وهازة طرف بيجامتها بيديها وكتجري...
خولة:جري تبعيني والله وتلقاك مينة تما حدا الباب حتى تزوقك بسمطة تاع أبااا (موراها ماتلفتاتش عرفت بلي القضية صعيبة،تبعتها حتى انا ماشي من العاكزين هي تجري وانا نجري اصلا موالفة ديما تفرج فيها بفعايلها وصلنا عند راس الزنقة)
كنسمعو خالتي مينة كتحلف فيها وهي وممسوقاش ومفرشخة بالضحك.. 
خالتي مينة:والله يا ديك لحلوفة لبقات فيك! شفت فيها تلقائيا وانا عاقدة حجباني
انا:أش درتي تاني؟
خولة:نسيت قدام التلفزة كنتفرج فستار أكاديمي وخليت الخبر يتحرق فالفران جات تابعاني بالصندالة فالدار بغات تزاوطها جيهتي جات فالواليد ههه وانا نهرب،وخليت الواليد كيدعي فينا بزوج ،"المسخوطات غادي تقتلوني" 
انا:نتي كارثة متنقلة زيدي وكان قدامي للدار حتى تبرد القضية تاني

خولة:هي ألي ما تعاود نمشي لدار حمااااتي آجي كاين زماااني بعدا؟ أوووف قلبي كيضرب بجهد" خلاها مولاها الناس فالناس والقرع فمشيت الراس...
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:04 pm

البارت 8:
مجبدة أنا وخولة فوق السطح شادين النميمة فلي غادي وجاي وكانكلو فالزريعة حتى نقزات خولة وجات جالسة عند راسي كنعرف هاذ الشوفات مزيان...باغة طلب مني شيحاجة! شدات فيديا وشافت فيا بنظرة ترجي...مابقاليها غير تبوس رجلي هههه
خولة:عفاااك خرجي معايا بغيت نشوووف وااحد البوكوص!
جريت يدي بزبة وانا معارضة هضرتها تماما
انا: لا لا لا بغيتي لحمي يعاود يزراق ثاني لاساق ليا خويا لخبار،نتي بعدا راه كيضرب ويراعي عارفك بنت الجار ومعندو حكام عليك...
انا:و دابا يولي عليا حكام من جيهتو أنا حااااسة وبدات كضحك واحد الضحكة سليعفانية.
انا:على هاذ الضحكة والله حتى نخرج معاك ونغامر معاك بشرط بغيت لاغوب االغوج تاعك.
خولة:جااااتك العمر
ونقزات عليا كتبوس وتعنق...خولة عفوية وحوايج صغار كيفرحوها.
~~~~~~~~~~~~~~~~~~~~~~~
مهم خولة جات بعدما خدات لموافقة تاع خالتي مينة بحكم غير هي لعندها مكتخصرش ليها الخاطر...
(لبست الغوب وطالون تاع ليسواااري طلقت شعري على طولو تسنيت خويا يخرج ودرت شوية تاع البودر والكولوص وماسكرا داكشي خفيف ظريف حيت خويا قاطعها فيا حتى من ليكرو تاع الشمس ممنوع)
ايوا هو يجي البرهوش سامي (خويا الصغير* كيطلع فيا ويهبط...
سامي:هاي هاي على عوراجة خااارجة والله حتى نحرمها عليك ونقول للواليدة تديني معاك
انا: أش بغيتي طلقنا؟ 
سامي:دابا تحضري 30 درهم ولا رجلي برجلك انا:تفوو! هاك يلاه شد القنت... وانا ندور عند خولة كنتغبن عليها
انا: عقلي شوفي شحال تاع التضحيات على قبلك...هاذ 30 درهم كنجمع فيها بالدرهم والريال
قاتلي وحتا انتي هنينا بقاليك غير تبكي...نشري لختي معقودة وبانيني تاع 10 دراهم يلاااااه آش بغيتي...
زدحت مورايا الباب وخرجت...وأنا كنسمع لحاجة رقية توصي وتعاود...إيلا هدر معاكم شي حد هربو وانا كنتغامز أنا وخولة ونضحكو...خرجت من الدار بعد ما واعدتها بلي ماغاديش نتعطل.



البارت 9:الحاصول مشينا لواحد الكافي وكلست مع لبنات فواحد الطبلة شوية دخلو شي براهش حاسين بجنيباتهوم وتقابلو معانا...بقيت كنضحك مع لبنات كيلا راحنا فالحمام اما واحد خولة منعرف فأشمن قنت مجلية فهاذ القهوة،قاطع تسلسل ضحكاتنا المتواصلة مجيء السرباي جاب واحد العصير وحطو قبالتي على الطبلة 
انا:خويا راك غالط راني مطلبتوش!
السرباي:هاداك السيد ليوصاني نجيبو لك! (وهو كيشير بصبعو ناحية الطبلة اللي قبالتي)
نضت بلا عكز... وعلى وجهي راسمة إبتسامة عريضة،هو فاش شافني جاية تحلات ليه وعاد ماترخى فوق الكرسي وصحابو كيقولو ليه"هاهي كاملة جاية عندك مقدراتش تقاوم السحر ديالك " كيوصلت حداه كبيت كاس لعصير فوق قميجتو الغالية ههه"
اناSadبإبتسامة باهتة وبنظرة جدية)هادي درس ليك! 
هوSadغوت حتى قفزني )هييييه نتي!!! (وهو كيشير بيدو لوجهي كتهديد ليا)
(انا خفت منو ولاكين مابينتش ليه)
اناSadكملت هدرتي)شنو كيصحاب ليك انا رخيصة تشريني بكاس عصير هادشي قليل فحقك باش تعلم تحتارم بنات الناس.
ماحملش راسو خبط يدو مع الطبلة وانا متحركتش وهو يخرج وتبعوه نعاجو ههه (صحابو بتعبير اصح) مشيت عند خولة بعد ماطليت على الساعة كان تعطل الوقت وضروري نمشي.
انا:نوضي خلاص راه تعطلنا على الطوبيس
خولةSadكتغمز فيا)شنو كتقولي نتي أحم بابا شوية ايجي مورانا بالطوموبيل
(ودارت فيا ديك الشوفة تاع بلاتي حسابي معاك هو تالي باينة شبعات بروطوكول قدام هاد الأخ...وانا كان آخر همي حساباتها الخاويين) ورجعات شدات بيديه وهي ساهية فعينيه وانا نجرها من داك الكرسي وهي غير على سبة جات طايحة فوق الأرض سيس دوس ههه 
تلفت عند السيد اللي كان كيحاول يفهم
انا:أنمشو دبا من بعد تصل بيك بااي! 
متسنيتوش يجاوي وجريت خولة وخرجنا...الطريق كاملة كتنكر:
خولة:أصاحبتي خليتيني حتى لواحد النقطة حساسة وخربتي الديكرو علاااااش؟
انا:كون شافنا خويا كون خرب لمي لعين ديك ساعة اتشوفي ليليتي كيف ادوز وزيدون خاصني نمشي قبل ما يجي
خولة: هي لتعطلتي على قبلي كاع اش ايوقع مالي مانستاهلش ايعطيك جوج دقات وغادي تشدي لقنت.
انا:لا تستاهلي اعويناتي شحال انا من خولة عندي...غير هو لعوقني ما عندك حتى خوك الي نوحل فيه ونفكو الجرااا على خير بغيتي نبقا بلا زواج وبايرة حدا أمي".
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:05 pm

البارت 10:
فعلا هاد البنت لقيت فيها نعم الصديقة نهار توفى الواليد جات كتجري عندي بلاما تفكر وخلات موراها إمتحان الباكلوريا...لقيتها حدايا حيت هي اللي كتفهمني وكتعرفني مزيان...واخا هي كبيرة عليا فالعمر بسنة ولكن أنا كنحس براسي مسؤولة عليها حيث نية بزاف) 
يلاه وصلنا لبلاكة تاع الطوبيس لقيناه زاد ولكن أيوقف فالبلاكة الثانية درت شفت فالبنات اللي فهمو شنو قصدت وانا بكثرة الفهامة الي فيا نسيت محيدت طالون غادة ونعثر وكل مرة لبنات يجرو فيا...حتى وصلنا طلعو البنات ويلاه جات خولة تمد ليا يديها وهو يدوز داك الزين المسرار بالطموبيل من قدامي ألي سبحان الله ماكيلقى وقتاش يبان غير فاش كنكون فشي موقف حرج وانا فداك الزحام كندابز باش نطلع تفكرت كاع الفلاشات اللي وقعو ليا معاه...جاتني هستيريا الضحك وكنقول بيني وبين راسي اش هاد الحظ المزفت،واليني قالوها كثرة الهم كتجيب الضحك.
خولة: اسبحان الله ياكما تشيرتي؟
انا: غير سير علاه من بعد ونعاود ليك،فاتك بزاف!
مشيت نخلص...هو يقولي الشيفور تبارك الله على الناس سبور تيف هههه
انا:ماتخممش العميم هههه
صونات خولة ديك الليلة بمالين دارهم وعلماتهم بلي آتبات عندي حيت قتليها راه كاين الجديد اليوم غادي نخوي عليها المزيييودة.



البارت 11:
مشيت للدار كنتسلت أنا وخولة مارتاحيت حتى عرفت بلي خويا مازال مادخل...رجلي ولاو حالتهم درت الماء سخون والملحة باش يتكمدو شوية وجلست حدايا خولة كنعاود ليها ونتغبن...شافت فيا بحسرة وآخيرا نطقات...
خولة:هادشي عندك صعيب
نضت من حداها وتلاحست فوق السداري أما
خولة ناضت كتوجد شيحاجة لعشا...كنت مسترخية تماما وكنت ناوية نعس كاع حيت مازال شبعانة من ماكلة الزنقة حتى كيدخل خويا ومعاه واحد الضيف ماشي غريب عليا....
~~~~~~~~~~~~~~~~~~~~~~~~
الحاااصول انا تشوووووكيت ماعرفت باش تبليت...بقيت غادة جاية فالبيت وكندوي بجهد وكنستنتج شي حوايج ماكاينينش...بديت كنخضار ونحمار وندير سيناريوهات بيني وبين راسي:
"واقلة جا يخطبني "
التعب كاع اللي كاان مشا،توجهت للماريو ونزلتو كامل...."وكنقول هادي تجيني هادي ألا"
دخلات الواليدة ومخرجة عينيها فالبيت اللي ولات مرونة
لحاجة رقية:ألااااه أبنتي مالك ياك لباس؟
انا:ميمتي ماقالك خويا والو!
لحاجة رقية:آش بغا يقولي أبنيتي الله يعطيه ضربة ديما دايرها ليا،يخليني حتى الليل ويجيبلي الضياف راه جابلي واحد المصفار وقالي زيدي نصبي العشا
انا:صافي هدشي لي كاين
لحاجة رقية: وطلقيني خلاص راه طابليتي فالكوزينة ديريها،وبالي ليا بداك اللحم.
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:05 pm

البارت 12:
عارفة خارجة فيا شي دعوة هاد بنادم مايجي من موراه غير دعاوي لبلا ولايني جاااب الله كاينة ديك المتعوسة تعاوني حتى هي منحوسة كثر مني نهار جات تبات وتبدل الجو غادي نكملو قصارتنا فالكوزينة مع المااااعن.
مشيت كنتنر عند خولة اللي ماكان على بالها والو وقفت على راسها وانا مربعة يدي وعاقدة حجباني...
خولة:مالك ياك لباس؟
انا :فراسك صاحب دعوتي،ولا صاحب خويا...حتى لكنت ناوية يشوف فيا الشوفة دبا محال... راه مكسل فالصالون قاليك كيتسنى لعشا داها باردة لازواج لا تا لعبة أيذوق طعام يديا ماشي لفقصة هاذي...
شفت فخولة بإصرار وحزم...
انا:والله غير إيلا ماملحت لوالديه الماكلة هاد النهار وفين مابغيت نخرج انا وخويا...نخرجو
انا: وأنتي تعرفي...
( وبدات كضحك واحد الضحكة شيطانية فهمت من موراها بلي وليييت كنفكر فحالها وبلي أفكاااري ولات جهنمية.



البارت 13:
شمرت على يدي،وحطيت كلشي فوق الطبلة فحين نظراتو متبعاني وانا مخنزرة فيه...سيد ذاق ماكلتي ناض ما تلا ولا من داك النهار مابقا عتب الدار أما خلاص خويا هضر شوية وسكت حيت كانت معايا خولة كااالاااااات السعرة. 
لمهم نهار على نهار فين ماوليت نصد الراس نلقاه...فالأول قلت ممكن صدف ولكن بزاف هادشي على الصدف يعني كيتعمد يتواجد فينما كنكون حيت ممكن كنعجبو ومهتم بيا ومن جهة اخرى من ديما كنقول مايديهاش فوحدة فحالي ولكن اش خاصني الزينة والتجريدة ههه آحم بغيت نقول مابياااش المهم ايلا ماكانش هو يجي ومعندوش الجرأة اناا مقزدرة ندخل فيه طول وعرض ماعنديش مشكل.
~~~~~~~~~~~~~~~~~~~~~~~
هاذ الصباح جمعت حوايج الحمام وغادة كنجر فرجليا حتى كيبان ليا غادي مورايا،درت راسي ماشفتوش وكنشوف فيه غير بنص عين...وصلت عند واحد الزنقة بعيد على الحي ديالنا ووقفت مرة وحدة جا تابعني بزربة شافني وقفت وبغا يقلب الدورة بلاما نعيق ولكن كان الديكور مفروط قربت من عندو وشديتو من الكول تاع لقميجة
انا:حصلتي اليوم والله لطلقتك!
هو:واش حماقيتي...طلقو ونهدرو بعقلنا،
انا:واخا...بلحق غادي تقوبي لاش باغي توصل من اللخر؟
هو:مهم شوفي أبنت الناس...عجباتني البساطة تاعك وماكتكلفيش كيف بنات هاذ الوقت وربي عاطيك الزين...أنا اللي كنعرف هو انت فيك شحال من حاجة جذباتني ليك...
انا:واقولها من الصباح...
تما تزنكت وماعرفتش مزال آش غانقول...وهو يكمل منين شافني مرتبكة...
هو:نجيك من اللخر ...عرفت فهاذ المدة بلي راك بنت الشعب تاع بصح ومافيكش كثرة الزواقات وكلشي عندك واضح وباين وخاطيك الهدرة مع هذا وهذاك...
انا:بلاتي...بلاتي! فين كتعرف هدشي كامل؟
هو:صراحة أنا كنت كنتبعك من ديما! ونهار كنت فالقهوة...كنت مراقبك من بعيد وشفت داك الفلاش كامل وكنت غادي ندخل...الله يعطيك الصحة وخلاص ههه!
حط يدو على كتفي دفعتو...وانا نحمر فيه
انا:إييييوا شفتي البسالات السفريط...انا قايمة بشغالي منتسناش منك أنت المساعدة...ودبا حسب خطاويك متزيدش تعطلني...
صراحة ديك "الصفريط" كتقولها الواليدة اما أنا كيجيني زينو مسرار...أودي آش تعرف الميمة فالزين الله يسمح ليها ههه.
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:07 pm

البارت14:
بديت غادة وكلعن فراسي...ديما لساني خارج للعيب...خليتو مزال واقف كيحاول يفهم الهدرة اللي قلت ليه...الظاهر شريتها معاه فالكحل فحال والو دبا تبقا فيه شمتة ويوصل لخويا الهدرة بالمقلوب ويقوليه شفتها مع شي قرد ويجي يفرشخ مي تاني...ولكن خولة معايا وبزوج كلمات تنسيه فالدنيا كاملة حيت دبا ولات هي عينيه وهي اللي غادي تفك ليا هاذ المشكل...فالأول خاصني ندوز لدار نشوف حدة الوضع بعدا.
مشيت للدار وكنساين قلت مافيهاش فأي لحظة يدخل خويا جاهل عليا تاني...ولكن بالعكس دخل ناشط وجاي معاه صاحب دعوتي ديك ساعة مشيت للبيت كنعيط لخولة 
خولة:آلوو....آلوو آجي داااااابا عتقيني نتي سربي العشا انا الوجه اللي نشوف فيه مزال مبقاش ليا...آه آه راه جا مع خويا حتى تجي ونعاود ليك وقطعي التعبئة سالات...
خولة جات ونقدر نعول عليها ديما حيت اللي بيناتنا شيحاجة كبيرة مامبينة لا على طمع ولا مصلحة.
وسبحان الله ماجاتنا الهدرة غير فالكوزينة عاودت ليها الجديد بالتفصيل الممل ومرة مرة كنراقب تغيرات تفاصيل وجهها...فلحظة خولة غوتات
خولة:كتجبدي ليا سيرتو بالليل وبنهار ومنين هدر معاك ندمتيه!!!
انا:وانا كرهت ولكن بغيت ندير فيها عزة نفسي ونحمقو شوية عاد نمشي معاه فالخط فهمتي؟ خولة:فاهمة دوك التحرميات تاعك 
انا:غير خليها على الله ولكن والله حتى داك السيد مطير ليا العقل وليت كي شي مراهقة مابقيتش عارفة نتصرف معاه....(قاطع هدرتي صوت شيحاجة تاع الزاج تخبطات مع الأرض بقوة...خرجت وأنا نتفاجئ وتفكرت مرة وحدة الهدرة اللي قلت) 
لقيت السيد المحترم الي سميتو فهد وهو مهندس معماري...كيحاول يجمع واحد الفاز هرسو كان فوق الثلاجة حدا الكوزينة...مشييييت فيها سمع كولشي راني قلت ليكوم صكعة ومعندي زهر...كرامتي قدامو تمرمدات مزيان.
اناSadبعصبية) سير فحالك...
بقا كيشوف بدهشة ماعرفتش علاش بالضبط واش على للهدرة اللي سمع قبيلة ولا الهدرة اللي قلت دبا ولا عليهوم بزوج...
انا:بغيت نقول للبيت.
هو ينوض ماعاودش الهدرة بعدما كان محني كيجمع فالزاج من فوق الأرض.
(لحكام زين البنات هههه)



البارت 15:
المهم انا مع هاد المتعوس اللي حطو ربي بطريقي خدامة بمبدأ تمسكن حتى تمكن فالأول تاع تعاروفنا كنت كنشد بخاطرو ومنعاودش معاه الهضرة...و الهدرة اللي قالها هي اللي كاينة
حيت مور هاد الموقف اللي تحطيت فيه...جا دوا معايا ونقصت من النفخة الزايدة حيتأصلا ما بقى عندي مانخبي راني تفرطت قدامو بمعنى الكلمة و اللي عطا الله عطاه ...
كنت كنتصل بيه انا لولى وكنديير فيها كنحب وراني طايحة مافيا مايتجمع غير حسيت بيه مشات على عينو ضبابة وليت كنوريه الفاص الخايب فيا و الحقيقي ماكاين غير... النفخة والقميع وداااافعة كبير ومكيعجبني حال حتى كيبقا ما فاهم والو مسكين فياوكان فينما يبغي يشوفني كنطلع بلان ونقوليه انا مامسالياش حتى ولا كيدير سبة بخويا ويجي عندنا لدار كيلقاني قداام التلفازة راااه بصح عندي بزاف مندير فالدار فحال نتفرج فالتفازة علاه هادا ماشي بلااااان!!!
وفينما نخرج كنطبق قاعدة جوعي فكرشي وعنايتي فوق راسي كنتفركس مزيان ونخليه تالف...حتى مابقا عارف باش تبلى...
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:44 pm

البارت 16:
المهم واحد نهار جا يدير كاسكروك حداكيت وديما كندير قدامو بلي كنحماق على الكوزينة وانا فاش ماكيكونش بروتين الدار اليومي...معلقة هي لخرا منهزها ايلا منكرات الواليدة وحتا من اتاي ديالي كيجي كي لبول خلاتها الميمة الماء والزغاريت.. المهم كنت هابطة بالدروج وهو يتسلط عليا واحد سراق الزيت أوكيطير هاد الموصيبة 
،بالخلعة نقزت الدروج مرة وحدة...خويا مع الفتحة الباب معرف السيد المحترم اللي معاه باش تبلا طيحتو للأرض وجيت من فوقو منشورة نيشان خويا قاطع نظراتنا المتبادلة وبدا يجر ويغوت... خويا:ماكتشوفيش فين كتحطي رجللك
وهو واقف موراه و ميت بالضحك
مشيت كنزرب للكوزينة وكنعثر فجلايلي وليت حمرة كي مطيشة وجاني ميساج من عندو ديك الساعة ههه 
فهد:مالك ياك لباس جهلتي اااه عارف توحشتيني ومصبرتيش قتلو...
انا:ونوض شفتك تيقتي راسك...راه غير شفت سراق الزيت
فهد:تبارك الله على النعومة والرقة اللي عطاني سيدي ربي كون شفتي دمو كون سخفتي هههه محملتش راسي ومبقيتش كنجاوبو درت فيها مقلقة...



البارت 17:
كنت كنعيشو فالجنة ولاكن لمشا وفكر يدير شي دعقة ندي أموو لجهنم وما مشا حتى دارها وفين هادشي مور الدريبة وصلاتني الخبار طايرة نضت لحت جلابتي عليا و مشيت كنقلب عليه لقيتو عايش الرومانسية مع واحد خايتي خايبة جوع...شلا باش بدلني كانت كالسة لقدام مرتاحة حداه فالطموبيل وهو كان مهبط زاج من جيهة البنت جريتها من شعرها حتى هبطتها وخرجات من الشرجم...
انا: انتوضي دبا تزيدي فحالك وحسابي معاك هو تالي...راك معروفة
وركبت بلاصتها وانا كنرضخ ونخبط 
انا:حيد نتا من الدرب عاد نتفاهمو...
كان كيسوق وماعرف منين جاتو التصرفيقة طريق كاملة وانا كنبرد غدايدي فيه و نكر عليه...بغا يدافع على راسو وعاد مازاد كحلها عارفاه عشاق ملال هو:انت الاصل اما شي لاخور غير زيغة
انا:مزال كتقولها بفمك حمر ولايني من اليوم يا وليدي يا فهد حتى نعاود ليك الترابي رجلي برجلك...
ومن يومها وليت دايرا عليه بوليسي...الخروج والدخول بلحساب ههه



البارت 18:
ولكن دقتي نفديها فيه ولباس...حيت ماشي أنا اللي يلعب عليها فايقة ليه وعارفة ليه شغالو مزيان...
خليتو حتى جاي مسكوااااح فالدريبة فديك الخرشاشة تاعو وانا نوقف مع كريمو ولد الحومة هاد خونا مزعوط فيا من أيامات الليسي...
بديت نتعيوج حتى جبت ليه التمام شافني وهو يخبط الباب بجهد وجاي عندي درت راسي ماشفتوش وقلبت الدورة وغادة وحدة وحدة وقف عليا وملامح الغضب مزوقة وجهو درت راسي تأشووكيت وحطيت يدي على فمي 
انا:ما تفهمش غلااااااط قالي
فهد:زيدي لمك قدامي نهارك نهاار معايا
تميت غادة وكاعمة مزكة لهدرتو ولا فايقة ليه من النعاس...
هبطنا بواحد الجردة ماعمراش ببنادم 
فهد:اش هاد الفعايل تاع الداراري الصغار؟
انا:مسوووقكش فيا!
بقينا مني منك وحتى أنا من طبعي ماكنسكتش واخا نكون غالطة كنخرج فعيني ونقابح...صراحة ماخليتش ليه وهو يشدني من يدي بنرفزة داني وجابني حتى تنخظت ومكفاهش هدشي صرفقني حتى شفت النجوم بنهار....ديك الساعة انا جهلت ودفعتو ودرت للجهة المعاكسة وأنا كنتنتر...
فهد: فين غادة؟
انا:أنمشي نشكي بيك عند البوليس
فهد:قدامي...زيدي نوصلك
الرجوع الى أعلى الصفحة اذهب الى الأسفل
https://caftan.yoo7.com
المديرة
المديرة
المديرة
المديرة


عدد المساهمات : 160
تاريخ التسجيل : 11/02/2012

بنت حي شعبي Empty
مُساهمةموضوع: رد: بنت حي شعبي   بنت حي شعبي I_icon_minitimeالأربعاء أبريل 20, 2016 6:45 pm

البارت 19:
مشينا مكنهدروش طلعت معاه عند الشاف تاع البوليس...
الشاف: امالك ابنتي 
انا:هاد السيد صرفقني وبغا يتعدا عليا 
الشاف:واش نتي جاية ديري بيه شكوة وجايباه معاك ههه على العموم غادي نديرو معاه الاجراءات الازمة ونتي تقدري تمشي راه غادي نشدوه شي يامات باش يتربا 
صراحة تنادم معايا لحال وبقا فيا وأنا نعاود ندخل للبيرو...
انا:الشاف!
الشاف:نعام...
انا:بغيت ندير ليه تناااااااازل
الشاف: واش كضحكي عليا انت وياااه....
بدا كيغوت تما جاب الله كيعرف فهد واحد الكوسير تما وخرجات العاقبة على خير خرجنا وجنوني قراسي كيحنقزو...
فهد والله معندك عقل وحتى انا خاصني لعصا اللي تابعك فحماقك...
وانا نخنزر فيه ...عطيتو بالظهر وتبعني
فهد: اجي العمر اجي...
درت عندو وانا محلفة نطفت بعصبية...خ
انا:دبا من اللخر تجي للدار ولا تجيك فراس
فهد: نجي للدار هههه (كيخاف مني).



البارت 20:
ماجا سيد فين يكمل هدرتو حتى كندور كلقا أخي العزيز شاد يدين خطيبتو خولة...(مامشات حتى دارتها) وكيتساراو وملقاو فين! غير حدا الكوميسارية... أش بغيت ليك أخولة فهاد النهار جا قاصدني وانا كنفيفري فبلاصتي 
يوسف:السي فهد اش كدير مع اختي 
فهد:والو اتلفات على الدار وبغيت نوصلها ههه يوسف: انا الي غادي نتلفك على القبلة ايلا مزدتيش قدامي عند العدول
فهد:غير بلعقل نديرو انا وياك معاهدة صلح نجيب مالين الدار ونجي 
يوسف: اجيييييييتي عشيري 
وهوا يجرني من صمطة سروالي...عارفة آش تابعني لاصقة ففهد وخويا كيجر...
يوسف: زيدي قدامي للدار طوالو رجليك ليوما يومك...
جاب الله فهد تدارك الموقف وجا خطب ديك الليلة حيت صونيت ليه وقتليه المساحمة ايلا مشفتنيش غدا فالدرب راه دا مول الامانة امانتو.
الحاصول مور الخطبة وليت كنشد فيد فهد ديالي و كنخرج عينيا فخويا على اساس كنقوليه دوي لكنتي راجل ههه 
دازت أيام الخطوبة بحلاوتها...ووصل نهار العرس وداك التفرعين والنفخة اللي كنت كندير عليه تحول لخلعة غير حط يدو عليا وأنا نبدا نغوت... "وابغيت ماما" شاف حتى عيا وجمع يديه عندو وبدا يضحك...بدا يسايس معايا ويحزر عاد خليتو يقرب جيهتي... والزوين فهدشي كامل غادي ندوز رمضان بدار راجلي...
النهاية = تقبلو مروري (بقلمي لبنى) ♡ émoticône smile
الرجوع الى أعلى الصفحة اذهب الى الأسفل
https://caftan.yoo7.com
 
بنت حي شعبي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القفطان المغربي :: القسم الادبي :: قصص بالدارجة المغربية-
انتقل الى: