حلوة روعة في الشكل والمداق

اليوم حبيت نوريلكم هاد القاطو وشحال ايجي امليح





المقادير

3 كيلات فرينة نص كيلة زبدة انا نخلك مرغرين تخلطي و تزيدي قرصة ملح و شوي فاني و تلمي بالما ء زهر و اعجنيها شوية وقسمي شوية عجين و لونية باي لون اتحبيه و تقدري تلوني قبل ماتزيدي الماء زهر ديري الصبغة و من بعد اعجني بالما زهر باش تتصبغلك جيدا و غطيها ببلاستيك و خليها ترتاح نص ساعة ولا كثر

الحشو

3 كيلات لوز مرحي و لا كوكاو مرحي كيلة سكر قلاصي قشور حبة قارص و تلمي ببياض البيض
تتركي الخليط شويا يتشرب و مبعد ديري كويرات ايكون قد بعضاهم
الان اتركك مع الصور لكي تفهمي جيدا







نديرو الورد من العجينة الملونة نديرو وردات كبار و الوردات الصغارنديرو 5 وردات ملونين و 5 بيوضا ء وتكون البيضاء شوية اكبر من الخضراء


و مبعد ديري فوق بعضاهم و اعكسي كي تحطي لملونا في الفراغات الي بين الورقات
حطي البيضا باش تجيك جيهة بيضا جيهة ملوتة شوفو لافوطو درك تفهمو وش قصدت

ومبعد تجيبي الكويرات
تغطسيها كامل في بياض البيض تبداي تلصقي الوردات كل حبة فيها 5 وردات ديري 4 في لجوانب و وحدة من الفوق





وتكملي باقي الوردات انا لهنا ماجاتش مفينية بيسك ماخليتش لابات ترتاح تم تم خدمت بيها باش نوريلكم الطريقة انتوما خلوها ترتاح و كي تحلو لابات ديرولها شوي فرينة باش يجيك الورد واقف و مليح

و في كل وردة في النص نرشقو حبة صنوبر ندخلو نص و نخليو نص برا باش يجي كي القنفود انا ماكانش عندي درت الحلوة الفضية الطويلة مي من الاحسن صنوبر يمد شكل ابهى

ومبعد طيبي القاطو و كي طيب عسليه و خليه يقطر مليح من لعسل و ديريلو النابج كي تحبي مش شرط مي انا نحب نديرلو باش يبقى يبرق

وبالصحة والراحة